मरूधराधीस महाराजा गजसिंह जोधपुर रा सानिध्य में टापरवाड़ा गांव में मनीजसी मारवाड़ महोत्सव
![Image](https://blogger.googleusercontent.com/img/b/R29vZ2xl/AVvXsEilrz2N7JKKQW20i_84mxRSQrZAt_RX8H94RooIMILWbSqsZTDOQG-COCLNYSGfS4hoK17m_l3bv4YvMHriMQiRgbHzwETz9ZXLMq4qJ8DJrTMnhlVy5X83irVlj5L5jVNlYJVpEC7l/s1600/1710598382027133-0.png)
धोरां धरती सौवणी,जबरो गढ़ जोधान। सती जती अर सूरमा,केसर बरणी शान।। परबतसर तेसिल रा छोटासा गांव टापरवाड़ा में तारीख 27 मार्च 2024 नै उगैला दोय सुरजी। ~~~~~~~~~~~~~~~~~~~~~~~~~~~~~~ मारवाड़ रा छोटासा गांव टापरवाड़ा में तारीख 27 मार्च 2024 रै दिन मरुधराधीस हिज हाईनेस महाराजा गजसिंह जी जोधपुर पधारैला। इण औसर माथै मारवाड़ री सगळी पिरजा घणा लाडां कोडां सूं बाबजी हुकुम री लाम्बी उमर सारु इमरत उछ्छब रै रूप में 'मारवाड़ महोत्सव' मनावैला। इणीज दिन परबतसर तेसिल रा राजपूतां रो स्नेह मिलन समारोह भी टापरवाड़ा में तैवड़ीज्यो है। इण कार्यक्रम रा संयोजक श्री विक्रमसिंह टापरवाड़ा है। ओ कार्यक्रम श्री चारभुजा सेवा समिति परबतसर रा सौजन्य सूं हुवैला। कार्यक्रम में बाबजी हुकुम री लाम्बी उमर सारू गायत्री शक्तिपीठ, पुष्कर, श्री समतारामजी महाराज, नांद गौशाला,अजमेर दरगाह रा दिवान ज़नाब जैनुअल़ आबैदीन साहेब, पुष्कर गुरूद्वारा रा ग्रंथी जी संत सुखविंद्रसिंह जी अर निर्भयपुरी आश्रम रा श्री शंकरपुरी जी महाराज पीलवा,रै सानिध्य में गायत्री जिग्य हुवैला। इणरै सागै इज इण कार्यक्रम रा ख़ास पावणा श्री मानसिंह जी