मायड़भाषा राजस्थानी रै 24 साहित्यकारां रो हुयो सनमान
मायड़भाषा राजस्थानी रै 24 साहित्यकारां रो हुयो सनमान ●51000 रो रूपचंद समदड़िया राजस्थानी विशेष सेवा शिखर सम्मान डॉ. देव कोठारी उदयपुर नैं ●दर्जन भर पोथियां रो हुयो विमोचन ●मुख्यमंत्री अशोक गहलोत ने भेजा शुभकामना संदेश ●राजस्थानी मान्यता री मांग मोट्यार पीढ़ी री रोजी-रोटी सारू है - प्रो. अर्जुन देव चारण नागौरः ‘‘आपणी मायड़भाषा राजस्थानी आपणी ओळखाण रो आदू आधार है। इण भाषा री कमजोरी रो मतलब है मिनखाचारै री हाण। जे मिनखपणो बचावणो है तो मायड़भाषा नैं बचावणी।" ऐ वाल्हा विचार अखिल भारतीय राजस्थानी भाषा मान्यता संघर्ष समिति अर नेम प्रकाशन, डेह री भेळप में रविवार नैं ‘डेह’ में आयोजित ’साहित्यकार सम्मान महाच्छब’ रा सिरै पावणा अर दिल्ली में राजस्थानी परामर्श मंडल रा संयोजक प्रो. अर्जुनदेव चारण व्यक्त किया। प्रो. चारण बतायो कै राजस्थानी मान्यता री मांग में साहित्यकारां रो कोई लोभ-लालच नीं है वरन आ माँग राजस्थान रै आम घरां रै टाबरां री रोजी-रोटी सारू है। आम जन रो भलो चावो तो राजस्थानी मान्यता री माँग नैं जन आंदोलन बणाओ। कार्यक्रम री सफलता सारू प्रदेश रा मुख्यमंत्री अशोक गहलोत शुभकाम